जापान– जापानका नवघोषित सम्राट नारुहितोले विश्व शान्तिका लागि सहकार्य गर्न आह्वान गरेका छन् ।

तीन दिन अघि सम्राटको गद्दी आरोहण गरेपछिको पहलो सम्वोधनका क्रममा सम्राट नारुहितोले विश्व शान्तिका लागि अन्तर्राष्ट्रिय समुदायसँग हातमा हात मिलाएर अगाडी बढ्न चाहेको बताए ।

जापानका १२६ औँ सम्राट ५९ बर्षीय नारुहितोले राजधानी टोकियामा रहेको राजदरबारको बार्दलीबाट सम्बोधन नरेका थिए ।

सम्बोधन समारोहमा उनी साम्राज्ञी मासाकोसहित आफ्नो परिवारका अन्य सदस्यका साथ देखा परेका थिए ।

बाबु आकिहितोले मंगलबार जापानको गोदावारी गद्दी त्यागेपछि नारुहितो नयाँ सम्राट बनेका थिए ।

जापानी इतिहासमा दुई सय वर्षभन्दा बढीको अवधिमा कुनै सम्राटले स्वेच्छाले राजगद्दी त्याग गरेको यो पहिलो पटक हो ।