काठमाडौं– प्रहरी महानिरीक्षक (आईजी) सर्वेन्द्र खनालले काठमाडौं उपत्यकालाई ट्राफिक जामबाट हुने प्रदुषणबाट मुक्त बनाउने घोषणा गरेका छन् ।

प्रहरी महानिरीक्षक खनालले ट्राफिक व्यवस्थापनको काममा समर्पित भएर लाग्न पनि ट्राफिक प्रहरीहरुलाई निर्देशन दिए ।

उनले ट्राफिक जामका कारण हुने प्रदुषण रोक्न सम्बन्धित स्थानीय तह पनि जागरुक हुनुपर्ने बताए । बिहीबार काठमाडौंमा आयोजित ‘ट्राफिक एक्सन टिम’ कार्यक्रममा बोल्दै प्रहरी महानिरीक्षक खनालले ट्राफिक व्यवस्थापनको कामलाई व्यवस्थित बनाउनका लागि सहयोग गर्न सबै पक्षलाई अपिल गरे ।

काठमाडौं उपत्यकामा ट्राफिक जामको समस्या समाधान गर्नसडक व्यवस्थापनको काममा काठमाडौं महानगरपालिका, सडक विभागलगायतका सम्बन्धित निकायले पनि आवश्यक सहयोग गर्नुपर्ने बताए ।