काठमाडौं- अमेरिकामा आउँदो वर्ष हुने राष्ट्रपति चुनावका लागि डेमोक्र्याटिक पार्टीका तर्फबाट उम्मेदवार बन्ने होडमा रहेकी कमला ह्यारिस उम्मेदवारी प्राप्त गर्ने होडबाट बाहिरिएकी छन् ।
क्यालिफोर्नियाकी सिनेटर ह्यारिसले उम्मेदवारी प्राप्त गर्ने अभियानको सुरु गर्दा जस्तो समर्थन नदेखेपछि बाहिरिने घोषणा गरेकी छन् । गएको जनवरीमा ह्यारिसले उम्मेदवारी घोषणा गर्दा उनको समर्थनमा धेरै मानिस रहेको देखिएको थियो ।
अभियान चल्दै जाँदा र बहसहरुको चरण पार गर्दै जाँदा धेरै नेताहरुको दाबी रहेको डेमोक्र्याटिक फिल्डमा कमला संकटमा पर्दै गएकी थिइन् । गएको नोभेम्बरमा पैसाको अभावका कारण ह्यारिसको चुनावी अभियानको बाल्टिमोर स्थित हेडक्वाटर तथा न्यू ह्यामशर र क्यालिफोर्निया स्थित कार्यालयका कर्मचारीलाई कामबाट निकालिएको थियो ।
५५ वर्षकी कमला ह्यारिस राष्ट्रपति डोनाल्ड ट्रम्पकी कडा आलोचक हुन् र उनलाई डेमोक्र्याटिक पार्टी भित्र लोकप्रिय हुँदै गएको नेताका रुपमा हेरिएको थियो।
तर उनी उम्मेदवारी होडमा सबैभन्दा अघि रहेका जो बाइडेन, बर्नी सान्डर्स र एलिजाबेथ वारेनसँगको प्रतिस्पर्धामा खरो उत्रन सकिनन् ।
क्यालिफोर्नियाको ओक्ल्याण्डमा गएको जनवरीमा २२ हजार मानिसको भिड मार्फत उम्मेदवारीको दाबी गर्दा उनलाई प्रमुख दाबेदार बन्न सक्ने ठानिएको थियो । गएको जुनमा भएको टेलिभिजन बहसमा पूर्व उपराष्ट्रपति जो बाइडेनमाथि रंग भेदको विषयलाई लिएर आक्रमण रुपमा प्रस्तुत भएपछि सर्वेक्षणहरुमा उनी राम्रो अवस्थामा देखिएकी थिइन् । तर पछिल्ला महिनाहरुमा उनी निरन्तर आरालो लाग्दै गएकी थिइन् ।
ह्यारिसले पछिल्ला महिनाहरुमा चुनावी अभियान चलाउनका लागि पैसाको अभावका कारण निकै समस्या भएको र यसले गर्दा आफू जीवनको कठीन निर्णय लिन बाध्य भएको उल्लेख गरेकी छन् । आफ्नो चुनावी अभियानका लागि आफै पैसा लगानी गर्नका लागि आफू अर्बपति नरहेकाले समस्या भएको उनले उल्लेख गरेकी छन् ।
To my supporters, it is with deep regret—but also with deep gratitude—that I am suspending my campaign today.
But I want to be clear with you: I will keep fighting every day for what this campaign has been about. Justice for the People. All the people.https://t.co/92Hk7DHHbR
— Kamala Harris (@KamalaHarris) December 3, 2019
ह्यारिसका श्रीमान डग्लस एमहोफले ह्यारिसको समर्थनमा ट्वीट गरेका छन् । ह्यारिसले आफ्ना समर्थकलाई लेखेको पत्रको केही अंश ट्वीट गरेकी छन् र सबैलाई धन्यबाद भनेकी छन् ।
I’ve got you. As always.❤️ pic.twitter.com/5OJDT3cDfw
— Douglas Emhoff (@douglasemhoff) December 3, 2019
प्रतिक्रिया