काठमाडौं– ‘राष्ट्रिय स्वार्थमा विमति, दलीयमा एक’ शीर्षकमा आजको अन्नपूर्ण पोस्टले मुख्य समाचार छापेको छ । राष्ट्रिय राजनीतिमा देखिएको यो अवस्थालाई बुँदाबद्ध पत्रिकाले प्रस्तुत गरेको छ ।

सत्तापक्ष र प्रतिपक्षका स्वार्थ मिलेका विषय– वाइडबढी घोटाला प्रकरण, अख्तियार आयुक्त राजनारायण पाठकले घुस लिएको भिडियो, द्वन्द्वकालीम मुद्दा, राजदूतको फिर्ता – थमौती र मौलिक हकसम्बन्धी कानून निर्माण । पत्रिकाले टकरावका विषयलाई पनि उल्लेख गरेको छ– संवैधानिक परिषद् प्रमुख प्रतिपक्षविना निर्णय, विदेश नीतिमा मतभिन्नता, भेनेजुएला प्रकरणमा कित्ता र निर्मला हत्या प्रकरण । त्यसैगरी छाया सरकारमा पनि गुट शीर्षकमा पनि समाचार छापेको छ ।

त्यस्तै पत्रिकाले रहेनन् वृद्धभत्ताका योजनाकार शीर्षकमा अर्को समाचार छापेको छ । त्यस्तै पत्रिकाले नेपालको पहुँच चार–चार बन्दरगाहमा शीर्षकमा अर्को समाचार छापेको छ । छिमेकी भारत र चीनसँग बराबरको सम्बन्ध । अब नेपालले भारतका हल्दिया, विशाखपटनम, ढर्मा र मुन्द्रा तथा चीन्का तियानजिन, यिनयुंगा, सन्जेन र झानजियाङ बन्दरगाह प्रयोग गर्ने ।

कृषिजन्य वस्तु उत्पादन वृद्धि गरी मुलुकलाई आत्मनिर्भर तुल्याउनेदेखि गरिबी निवारणका नाममा दाताको ऋण÷अनुदान र नेपाल सरकारबाट प्रशस्त मात्रामा लगानी भएको उल्लेख गर्दै पत्रिकाले कृषि अनुदान पहुँचवालमै शीर्षकमा सम्पादकीय लेखेको छ ।