काठमाडौं– नेपाली मूलकी अस्मिता आले इङ्ग्ल्याण्डको यू–१९ राष्ट्रिय महिला फुटबल टोलीमा परेकी छन् ।
एस्टन भिल्लाकी डिफेन्डर अस्मिता पहिलो पटक इङ्ग्ल्याण्डको उमेर समूहमा अटाएकी हुन् । अस्मिता युईएफए यू–१९ च्याम्पियनसिप अन्तर्गत पहिलो चरणको लागि टोलीमा अटाएकी हुन् ।
तर, बुधबार राति इङ्ग्ल्यान्डले साइप्रसविरुद्ध खेल्दा भने अस्मिता बेन्चमा रहिन् । उक्त खेलमा इंग्ल्याण्डले ८–० गोलको फराकिलो जित निकालेको थियो ।
१७ वर्षीया अस्मिता पूर्व गोरखा सिंगलका सैनिक अमृत आलेकी छोरी हुन् । उनले यसअघि पनि इङ्ग्ल्यान्डको यू–१६ टोलीबाट समेत खेलिसकेकी छन् । तनहुँका अमृत स्क्वासका राष्ट्रिय खेलाडी समेत हुन् ।
प्रतिक्रिया