सप्तरी– प्रहरीले ग्यास सिलिण्डरभित्र प्रतिबन्धित लागुऔषध हालेर ल्याएको अवस्थामा एक जनालाई पक्राउ गरेको छ ।

भारतीय बजारबाट ग्यास सिलिण्डरभित्र लुकाएर नेपाल ल्याउँदै गरेको अवस्थामा प्रहरीले एक जनालाई पक्राउ गरेको हो । खाना पकाउने ग्यास सिलिण्डरमा प्वाल पारी लागूऔषध हालेर ल्याइरहेको अवस्थामा सप्तरीको राजविराज नगरपालिका–१६ बाट लागूऔषधसहित राजगढ गाउँपालिका–६ का ३८ वर्षीय अशोक यादवलाई पक्राउ गरेको हो ।

यादवले स १० प १३ नम्वरको मोटरसाईकलमा सिलिण्डर राखेर राजविराजतर्फ आउँदै गर्दा प्रहरीले उनलाई पक्राउ गरेको थियो । सादा पोशाकमा खटिएका प्रहरीको टोलीले गोप्य सूचनाको आधारमा पक्राउ गर्न सफल भएको सप्तरकिा निमित्त प्रमुख डिएसपी मकेन्द्र कुमार मिश्रले बताए ।

सिलिण्डरभित्र १ सय एमएल डाईलेक्स र १ सय ४० थान डीसीसीरप बरामद गरिएको प्रहरीले जनाएको छ ।