दाङ – दाङको देउखुरीमा सोमबार राति भएको सवारी दुर्घटनामा दुई जनाको ज्यान गएको छ ।

लमही भालुबाङ सडकखण्डको पिपरीमा दुईवटा मोटरसाइकल दुर्घटना लगत्तै ट्रकले ठक्कर दिँदा दुई जनाको ज्यान मृत्यु भएको प्रहरीले जनाएको छ ।

लु १९ प ५५०६ र रा ३ प २०६१ नम्बरको मोटरसाइकल एक आपसमा ठोक्किए लगत्तै ना ६ ख ६७७४ नम्बरको ट्रकले ठक्कर दिँदा रा ३ प २०६१ नम्बरको मोटरसाइकलमा सवार दुई जनाको ज्यान गएको हो । दुर्घटनामा घाइते भएका उनीहरुको उपचारका लागि अस्पताल पुर्‍याएलगत्तै ज्यान गएको हो ।

ज्यान गुमाउनेमा २६ वर्षीय बालकृष्ण भण्डारी र २७ वर्षीय विनायक चौधरी रहेको प्रहरीले जनाएको छ । दुर्घटनामा एक जना घाइते भएका छन् ।

सोही दुर्घटनामा परी लु १९ प ५५०६ नम्बरको मोटरसाइकलमा सवार राप्ती गाउँपालिका –८ बिजौरीका २८ वर्षीय दीपक मरासिनी गम्भीर घाइते भएका छन् ।