काठमाडौं – स्कोडा अन्तर बैंक फुटसल प्रतियोगिताको उपाधि हिमालयन बैंकले उचालेको छ । शनिबार भएको फाइनल खेलमा ग्लोबल आईएमई बैंकलाई ३–० ले पराजित गर्दै हिमालयन बैंक स्कोडाको पहिलो संस्करण विजेता बन्न सफल भएको हो ।

अघिल्लो शनिबार शुरु भएको प्रतियोगिताको आज फाइनल खेल भएको थियो । एक्टिभ स्पोर्ट्स कम्प्लेक्सले आजोजना गरेको प्रतियोगितामा २० बैंकले सहभागिता जनाएका थिए । प्रतियोगिता अघिल्लो शनिबार शुरु भएर आज सम्पन्न भएको हो ।

प्रतियोगिताको विजेता टोली हिमालयन बैंकले नगद १ लाख रुपैयाँ पुरस्कार पाउँदा उपविजेता ग्लोबल आईएमई बैंकले ५० हजार रुपैयाँ पाएको छ । आयोजक स्कोडा स्पोर्ट्स कम्प्लेक्सका अध्यक्ष गौरव थापाले प्रतियोगिता सफलताका साथ सम्पन्न भएको बताएका छन् ।