एजेन्सी– अर्जेन्टिनाका कप्तान लियोनल मेस्सीले कोपा अमेरिकाकाको सेमिफाइनल खेलमा रेफ्रीले ब्राजिलको पक्षमा निर्णय दिएको आरोप लगाएका छन् ।

कोपा अमेरिका अन्तर्गत बुधबार विहान भएको खेलमा ब्राजिलसँग २–० गोल अन्तरले पराजित भएपछि मेस्सीले हारजको जिम्मा रेफ्रीलाई लगाएका हुन् ।

मेसीले ब्राजिलले राम्रो नखेलेपनि इक्वेडोरका रेफ्रीको निर्णयका कारण अर्जेन्टिना पराजित भएको आरोप लगाएका हुन् ।

ब्राजिलका लागि रोबर्टो फिर्मिन्होले दोश्रो गोल गर्नुअघि अर्जेन्टिनालाई दिइनुपर्ने पेनाल्टी रेफ्रीले नदिएको आरोप मेस्सीले लगाएका हुन् । त्यसबेला अर्जेन्टिनाका सर्जियो अग्वेरोलाई पेनाल्टी नदिएको मेसीको आरोप छ ।

इक्वेडोरका रेफ्री रोडी जाम्ब्रानोले भिडियो असिस्टेन्ट रेफ्रीसँग परामर्श नगरिकनै एकपछि अर्काे कार्ड देखाएको आरोप मेस्सीले लगाए ।