मुम्बई – प्रहरी ड्रामा फिल्मका बादशाह मानिने रोहित सेट्टीले हालै रणवीर सिंहलाई लिएर फिल्म ‘सिम्बा’ बनाए । अहिले उनी अक्षय कुमारसँग फिल्म ‘सूर्यवंशी’ गरिरहेका छन् । अहिले समाचार आएको छ कि, रोहितले सुपरकप युनिभर्समा अर्को एक नाम पनि जोड्न लागेका छन् ।

खबरका अनुसार रोहित सेट्टीले प्रहरीको भूमिकालाई लिएर नयाँ फिल्म निर्माण गर्न लागेका छन् । जसको शीर्षक राखिएको छ, आया पुलिस । यो फिल्ममा हिरो नभएर एक हिरोइनलाई प्रहरीको बर्दीमा देख्न पाइनेछ ।

भारतीय मिडियाले सूत्रको हवाला दिँदै दीपिका पादुकोणलाई फिल्ममा मुख्य रुपमा लिने बताएका छन् । रोहितका साथ दीपिकाको यो पहिलो फिल्म हुनेछ । जसमा उनी एक महिला प्रहरीको भूमिकामा देखिनेछिन् । यसअघि रोहितले प्रहरी अफिसरको भूमिकामा हिरो लिएका थिए भने ‘आया पुलिस’ मा महिला लिने विचार गरेका छन् ।

तर, रोहितले भने यसबारेमा आधिकारिक पुष्टि गरेका छैनन् ।