काठमाडौं– च्याम्पियन्स लिग जिताएपछि लिभरपुलका म्यानेजर जेर्गन क्लपसँग अनुवन्धन थप गर्न क्लब उत्सुक देखिएको छ ।

आइतवार मड्रिडमा सम्पन्न च्याम्पियन्स लिगको फाइनलमा २–० को जीत निकालेर घर फर्किएका क्लापलाई ७ लाख ५० हजार भन्दा धेरै प्रशंसकले स्वागत गरेका छन् । क्लापको लिभरपुलसँगको सम्झौता २०२२ मा सकिँदैछ । फेनवे स्पोर्टस् ग्रुपले ५१ वर्षका जर्मन प्रशिक्षकलाई थप समय सुरक्षित गर्न चाहेको बीबीसीले जनाएको छ ।

क्लवका प्रमुख टोम बर्नरले भने,‘जुर्गेन एक विशेष र उच्चस्तरका कोच हुन् । उनी विनम्र र हेरचाह गर्नेखालमा व्यक्ति हुन् ।’

सन् २०१५ मा एकनफिल्डमा आएपछि क्लापको यो पहिलो ठूलो ट्रफि हो ।

‘मलाई थाहा छैन कि लिभरपुलमा कति मानिसहरु बस्छन् तर यहाँ अरु क्लबको प्रशंसकको लागि स्थान छैन’ उनले भने ।

गत सिजनको च्याम्पियन्स लिगको फाइनमा रियलमड्रिडसँग पराजित लिभरपुलले यस सिजनको प्रिमियर लिगमा ९७ अंक हात पार्‍यो र एक पटक मात्र हार्यो । लिगमा लिभरपुल दोस्रो वन्यो । पहिलो स्थानमा सिटी रहन गयो ।