काठमाडौं– सरकारले आगामी आर्थिक वर्षदेखि सार्वजनिक यातायातमा ‘यात्रा कार्ड’ लागू गर्ने भएको छ ।

सूचना र प्रविधिको प्रयोग गरी सरकारले सार्वजनिक यातायातमा यस्तो यात्रा कार्ड लागू गर्न लागेको हो ।

शुक्रबार राष्ट्रपति विद्यादेवी भण्डारीले संघीय संसदमा प्रस्तुत गरेको नीति तथा कार्यक्रममा सार्वजनिक यातायातमा यात्रु कार्ड लागू गर्ने विषय उल्लेख छ ।

यस्तै, तोकिएको समयमा यात्रा शुरु गरि तोकिएकै समयामा यात्रा सम्पन्न गर्ने गरी यातायात क्षेत्रलाई व्यवस्थित गरिने विषय पनि नीति तथा कार्यक्रममा समेटिएको छ ।

सरकारले यसअघि नै घोषणा गरिसकेको यातायात प्राधिकरण गठन गर्ने सम्बन्धमा पनि ठोस कदम चालिने राष्ट्रपति भण्डारीले उल्लेख गरिन् ।