काठमाडौं– कर्णाली प्रदेशका मुख्यमन्त्री महेन्द्रबहादुर शाहीले मानव विकास सूचकांक (एचडीआई)लाई आधार बनाएर आगामी आर्थिक वर्षको बजेट तय गर्न सरकारसँग माग गरेका छन् ।

मुख्यमन्त्री शाहीले कम्युनिष्ट नेतृत्वको वर्तमान सरकारले संविधानले निर्दिष्ट गरेको समाजवाद उन्मुख अर्थमन्त्री निर्माण हुनेगरी पिछडिएका क्षेत्रको उत्थानमा केन्द्रित भएर आगामी आर्थिक वर्षको बजेट ल्याउने विश्वास पनि व्यक्त गरे । उनले सबै प्रदेशको सन्तुलित विकासनै संघीय सरकारको मुख्य लक्ष्य हुनुपर्ने धारणा राखे ।

मुख्यमन्त्री शाहीले खाना र लुगाको समेत समस्यामा रहेका कर्णाली प्रदेशलाई संघीय सरकारले आवश्यक बजेटको व्यवस्था गर्ने आशा पनि व्यक्त गरे ।
कर्णाली प्रदेशले त्यहाँको स्रोत र साधनको उचित व्यवस्थापन हुने गरी बजेट विनियोजन गर्न संघीय सरकारलाई दवाव दिँदै आएको छ । मुख्यमन्त्री शाहीले कर्णालीको स्रोत परिचालनमा प्रदेश सरकार केन्द्रित रहेको पनि बताए ।