मुम्बई – टाइगर श्राफ, अनन्या पाण्डे र तारा सुतारिया चाँडै नै करण जोहरको फिल्म ‘स्टुडेन्ट अफ द इयर २’ मा देखिँदैछन् । तीनै कलाकारले यतिबेला फिल्मको जमेर प्रचार गरिरहेका छन् । यस दौरान यी तीन एक भारतीय रेडियो स्टेशनमा प्रचारका लागि पुगे । त्यहाँ अनन्यालाई सोधियो कि, टाइगरलाई किस गर्दा कस्तो लाग्यो ?

यो फिल्ममा अनन्या पाण्डे र टाइगर श्राफको अनस्क्रिन एक किसिङ दृश्य देखाइएको छ । यसका बारेमा कुरा गर्दै अनन्याले भनिन्, ‘यो मेरो पहिलो चुम्बन थियो, मैले यसअघि कसैलाई किस गरेकी थिइनँ, त्यसैले मैले तुलना गर्न मिल्दैन तर यो किस बेस्ट थियो ।’

यति मात्र होइन, अनन्याले टाइगरलाई ‘बेस्ट किसर’ पनि भनिन् । यही बारेमा टाइगरलाई सोधियो । उनले प्रश्न गरे, ‘म चुम्बनमा बेस्ट हुँ? म आफैलाई थाहा हुँदैन, कुन कुरामा म उत्कृष्ट छु ।’

करण जोहरको यो फिल्म १० मे मा रिलिज हुँदैछ । फिल्ममा क्याम्पसको कथा देखाइएको छ । फिल्ममा टाइगर श्राफलाई एक्सन र रोमान्स दुवै भूमिकामा देखाइएको छ ।