काठमाडौं – सम्राट शाक्य निर्देशित फिल्म ‘यात्रा’ को टिजर सार्वजनिक गरिएको छ । राजधानीमा बिहीवार आयोजित औपचारिक कार्यक्रममा फिल्मको टिजर सार्वजनिक गरियो । युट्युबमा समेत सार्वजनिक गरिएको यो टिजरलाई दर्शकले रुचाएको प्रतिक्रिया दिएका छन् ।

फिल्ममा सलिनमान बानियाँ, प्रेक्षा बज्राचार्य, मालिका महत, सलोन बस्नेत लगायतको मुख्य भूमिका छ । फिल्मको टिजरमा सलोनलाई नेगेटिभ भूमिकामा प्रस्तुत गरिएको छ भने सलिनमानलाई प्रेमीको भूमिकामा देखाइएको छ ।

जाह्नवी बस्नेत, विशाल कट्वाल, धिरेन शाक्य, राजाराम पौडेल लगायत कलाकारले समेत अभिनय गरेको यो फिल्म यात्राका क्रममा हुने घटनालाई लिएर निर्माण गरिएको हो ।

फिल्ममा हिमाल केसीको द्वन्द्व, प्रविण सिंहको कोरियोग्राफी त्यस्तै प्रतीक पौडेल, सुरेश न्यौपाने र शिशिर खातीको लेखन रहेको छ । फिल्मको स्किृप्ट निर्देशक शाक्यल नै लेखेको यो फिल्म नयाँ वर्षको अवसर पारेर आउँदो चैत्र २९ गतेदेखि प्रदर्शन हुँदैछ ।