मुम्बई – बलिउड स्टार शाहरुख खानका फ्यान उनको फिल्म कुरिरहेका छन् । तर, शाहरुख फिल्ममार्फत पर्दामा आउन चाहिरहेका छैनन् । लगातार फिल्म फ्लप भएपछि शाहरुख फिल्म साइन गर्न डराइरहेको भन्दै भारतीय मिडियाले लेखेका छन् ।

यसैबीच खबर आएको छ कि, शाहरुख खान छिट्टै नै एक हलिउड फिल्मको रिमेकमा देखिने भएका छन् । खबरका अनुसार यो फिल्ममा उनको भूमिका खलनायकको हुनेछ ।

हलिउड फिल्म ‘किल बिल’ को हिन्दी रिमेकको राइटस् निखिल द्विवेदीले खरिद गरेका छन् । यसमा बन्ने हिन्दी फिल्मलाई अनुराग कश्यपले निर्देशन गर्नेछन् ।

शाहरुख खानको भूमिकाका लागि मेकरले उनीसँग कुरा गरिरहेको भारतीय मिडियाले स्रोतको हवाला दिँदै लेखेका छन् ।

निर्माण टिमले यो फिल्ममा शाहरुखलाई भिलेन किन चुने भने, उनले भिलेन बनेर पनि कैयन् फिल्मबाट दर्शकको मन जितेका छन् ।

अर्को रमाइलो कुरा के छ भने शाहरुखले पनि अनुराग कश्यपसँग काम गर्न चाहेका थिए । यो फिल्ममा यी दुईको काम देख्न पाइनेछ भन्नेमा दर्शक पनि आशावादी छन् ।