दाङ- प्रदेश नं ५ को भूमि व्यवस्था, कृषि तथा सहकारीमन्त्री आरती पौडेलले प्रदेशका कुनै पनि सहकारी संस्थाले कृषिका लागि काम गर्न चाहेमा अनुदान दिने बताएकी छन् ।

भीमदत्त पन्तको ६६औँ स्मृति दिवस तथा किसान शहीद दिवसका अवसरमा आज (शुक्रबार) तुलसीपुरमा अखिल नेपाल किसान महासङ्घ प्रदेश ५ ले आयोजना गरेको कार्यक्रममा पौडेलले कृषि समृद्धिको महत्वपूर्ण आधार भएकाले प्रदेश सरकारले प्राथमिकतामा राखेको बताइन । उनले कृषिमा काम गर्ने सहकारीलाई ५० प्रतिशत अनुदान दिने बताइन । यसले प्रदेशको कृषि उत्पादन वृद्धि गर्न मद्दत गर्ने उनको भनाइ थियो ।

‘प्रदेश सरकारले कृषिलाई समृद्धिको आधार मानेर प्राथमिकताका साथ अगाडि बढाएको छ’, उनले भनिन् ‘कृषिमा काम गर्ने सहकारीलाई ५० प्रतिशत अनुदान दिने व्यवस्था गरेका छौं।’ उहाँले प्रदेशका गरीबीको रेखामुनी रहेका १७ हजार बालबालिकालाई दिने गरी प्रदेश सरकार अघि बढेको बताइन्।

किसानले उत्पादन गरेको तरकारीले उचित मूल्य नपाएकाले उक्त समस्या समाधान गर्न प्रदेश सरकार लागिपरेको उनको भनाइ थियो । विपन्न समुदायका किसानलाई ९० प्रतिशतसम्म अनुदान दिइने मन्त्री पौडेलले बताइन् ।