काठमाडौं– भारतका चर्चित पत्रकार रवीस कुमारले सन् २०१९ को प्रतिष्ठित रामोन म्यागसेसे पुरस्कारबाट सम्मानित भएका छन् ।

पत्रकार रवीस कुमारले एसियामा साहसिक तथा परिवर्तनकारी नेतृत्व निभाएको उल्लेख गर्दै उनले उक्त पुरस्कार प्रदान गरिएको हो ।

रामोन म्यागसेसे पुरस्कार फाउन्डेसनका अनुसार रवीस कुमारले पत्रकारिताको माध्यमबाट आवाजविहीनहरुको अवाजलाई मुलधारमा ल्याउने प्रयत्न गरेका छन् । जसका कारण उनलाई उक्त पुरस्कार प्रदान गरिन लागिएको हो ।

पत्रकार रवीस कुमार भारतीय टेलिभिजन च्यानल एनडीटीभीका म्यानेजिङ इडिटर हुन् ।

रवीस कुमारका अतिरिक्त २०१९ को रामोन म्यागसेसे अवार्डबाट म्यानमारका को स्वी विन, थाइल्याण्डकी अंगखाना नीलापाइजित, फिलिपिन्सका रेमुण्डो पुजान्ते र दक्षिण कोरियाका किम जोङ–की सम्मानित भएका छन् ।