मुम्बई – अभिनेत्री जायरा वसीमले सोमवार बलिउड छोड्नेबारे ट्वीट गरेपछि बलिउडमा चर्चा भएको थियो । कतिले जायराको एकाउन्ट ह्याक भएको समेत अनुमान गरेका थिए ।
तर, जायराले आफ्नो खाता ह्याक नभएको बताएकी छिन् । ‘म यो भन्न चाहुन्छु कि, मेरो कुनै पनि सामाजिक सञ्जालको खाता ह्याक भएको थिएन, न त भएको नै, म आफैले यसलाई चलाएकी छु,’ जायराले भनिन्, ‘हल्लालाई शेयर गर्ने र यसलाई फैलाउनेबाट बच्नुपर्छ, धन्यवाद ।’
‘दंगल’ र ‘सेक्रेट सुपरस्टार’ जस्ता फिल्ममा जीवन्त अभिनय गरेकी यी नायिकाले बलिउडलाई अलबिदा गरेपछि विभिन्न टिप्पणी आइरहेका छन् । उनले बलिउड छोड्ने भनेपछि बलिउडकर्मीले उनको भनाइमा मिश्रित प्रतिक्रिया दिइरहेका छन् ।
प्रतिक्रिया