काठमाडौं– स्पेनलाई विश्वकप जिताउन महत्वपूर्ण भूमिका खेलेका गोलरक्षक इकर कासिलासलाई हर्टअट्याक( हृदयघात ) भएको छ ।

पोर्चुगिज क्लब पोर्तोमा अभ्यासका क्रममा कासिलासलाई हृदयघात भएको थियो ।

३७ वर्षिय कासिलासको अवस्था स्थीर रहेको र उनी निगरानीमा भएको अस्पतालले जनाएको छ ।

कासिलासले भने सबै चिज नियन्त्रणमा रहेको बताएका छन् ।

रियलमड्रिडका महान गोलरक्षक समेत रहेका कासिलासले ठूलो डर भएपनि आफूमा शक्ति रहेको बताएका थिए ।

पोर्टोले विज्ञप्ति जारी गर्दै बुधवार विहान हर्टअट्याकको सामना गरेको जनाएको छ ।

कासिलासले १६ वर्षे आफ्नो करियरमा रियलको लागि वर्नवाउमा ७२५ खेल खेले । त्यसक्रममा उनले तीन च्याम्पियनस् लिग एवं पाँच लालिगा जितेका थिए ।

त्यस्तै उनले स्पेनिस टिमबाट दुई युरोपियन च्याम्पियन्स लिग र सन् २०१० को विश्वकप जिताएका थिए ।