काठमाडौं– सत्तारुढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल (प्रचण्ड)ले आइतबार साँझ आएको आँधी–हुरीबाट निधन भएका व्यक्तिका परिवारलाई प्रतिपरिवार ५–५ लाख रुपैयाँ दिने घोषणा गरेका छन् ।

आँधी–हुरी प्रभावित क्षेत्रको स्थलगत निरीक्षणका लागि मंगलबार बारा पुगेका अध्यक्ष प्रचण्डले मृतक भएका व्यक्तिका परिवारलाई ५–५ लाख रुपैयाँ सहयोग दिने घोषणा गरेका हुन् ।

बाराको फेटा गाउँपालिका– बरैनिया पुगेका प्रचण्डले उक्त सहयोगको घोषणा गरेका हुन् ।

अध्यक्ष प्रचण्डले मधेस शोक र पीडामा रहेको उल्लेख गर्दै सिंगो देशले सहयोग गर्नुपर्ने बताए ।

आँधी–हुरीबाट घाइते भएकाहरुको उपचारको अवस्था बुझ्न प्रचण्ड मंगबार नै वीरगन्जस्थित नारायणी उपक्षेत्रीय अस्पताल पुगेका थिए ।