काठमाडौं– प्रधानमन्त्री ओली प्रधानमन्त्री केपी शर्मा ओलीले दिवंगत संस्कृति, पर्यटन तथा नागरिक उडड्यनमन्त्री रवीन्द्र अधिकारीको वाईडबडी विमान खरिद प्रकरणमा कुनै पनि संलग्नता नरहेको बताएका छन् ।

प्रधानमन्त्री ओलीले केही तत्वले मन्त्री अधिकारीलाई सो प्रकरणमा जोडेर मान मर्दन गर्न खोजेको भन्दै जनाए ।

शुक्रबार मन्त्री अधिकारीको निधनप्रति शोक प्रस्ताव पारित गर्न बसेको पार्टी संसदीय दलको बैठकमा प्रधानमन्त्री ओलीले मन्त्री अधिकारी कुनै पनि लोभलालचमा पर्ने खालको नभएको र उनलाई फसाउन खोजेको बताए ।

प्रधानमन्त्री ओलीले मन्त्री अधिकारीलाई सो प्रकरणमा जोडेर लाञ्छना लगाउने, काममर्दन गर्ने काम गरेपनि त्यो सत्य नभएको बताए ।

ओलीले मन्त्री अधिकारीले नेपालको नागरिक उडड्यनको क्षेत्रमा असाधारण काम गरेको बताए ।
नेकपाको संसदीय दलको बैठकले मृतकहरुप्रति शोक प्रस्ताव पारित गरेको छ ।