काठमाडौं–प्रधानमन्त्री केपी शर्मा ओलीले दिवंगत संस्कृति पर्यटन तथा नागरिक उड्डयनमन्त्री रवीन्द्र अधिकारीको पार्थीव शरीरमा राष्ट्रिय झण्डा ओडाएर श्रद्धाञ्जली अर्पण गरेका छन् ।

राष्ट्रिय झण्डा ओडाएपछि नेकपाका अध्यक्षद्वय केपी शर्मा ओली र पुष्पकमल दाहाल प्रचण्डले पार्टीको झण्डा पनि ओढाएर श्रद्धाञ्जली अर्पण गरेका छन् ।

ताप्लेजुङमा भएको हेलिकोप्टर दुर्घटनामा परी ज्यान गुमाएका ७ जनाकै शव अहिले टुँडिखेलमा राखिएको छ । मृतकको पार्थीव शरीरमा श्रद्धाञ्जली अर्पण गर्न राष्ट्रपति विद्या भण्डारी, प्रधानमन्त्री केपी शर्मा ओली तथा नेकपा अध्यक्ष पुष्पकमल दाहाल प्रचण्ड टुँडिखेल पुगेका छन् ।

त्यस्तै मन्त्रिपरिषदका सदस्यहरु, उच्चपदस्थ सरकारी अधिकारी, विभिन्न राजनीतिक दलका नेताकार्यकर्ता तथा सर्वसाधारण टुँडिखेल पुगेका छन् ।