एजेन्सी – युरोपियन फुटबलको सरुवा बजार सोमबार अर्थात् सेप्टेम्बर २ मा सकिँदैछ । तर, विश्व फुटबलका प्रशंसकदेखि खेलाडीहरुसम्मको चाँसोको विषय बनेका स्टार खेलाडी नेयमारको सरुवा भने अझै अन्यौलमा छ ।

सन् २०१७ मा किर्तिमानी मूल्यमा स्पेनिस क्ल्ब बार्सिलोनाबाट लिग वान क्ल्ब पेरिस सेन्ट जर्मन (पीएसजी) पुगेका नेयमार क्लबबाट बाहिरिने योजना बनाइरहेका छन् ।

उनी आफैले पनि पीएसजीबाट बाहिरिने योजना बनाइरहेपनि दुई क्लबबीच कुरा नमिल्दा नेयमारको सरुवामा अन्योलता आइरहेको अन्तर्राष्ट्रिय संचारमाध्येमले बताइ रहेका छन् ।

अघिल्लो हप्ता गएको बिहीबार र शुक्रबारमा नेयमारबारे बार्सिलोना र पीएसजीले कुनै ठोस निर्णय गर्ने बताएपनि त्यसो हुन भने सकेन् ।

उनका लागि यो सरुवा बजार सुखद् अन्त्य हुने भने देखिँदैन् । नयाँ सिजन शुरु भइसक्दा पनि टिमबाहिर रहेका नेयमार पीएसजी छाडेर पूर्व क्लब बार्सिलोना फर्किने योजनामा छन् ।

तर, किर्तिमानी मूल्यमा लिएको पीएसजीले पनि राम्रो मूल्य पाउँदा नेयमारलाई छाड्ने बताउँदै आइरहेको छ ।

तर, बार्सिलोनाले उसले मागे जति दिन नसक्दा समस्या आइरहेको छ ।

त्यसोत बार्सिलोनाले आफ्नो टोलीका स्टार २ जना स्टार खेलाडीसहित १ सय मिलियन भन्दा धेरै रकम दिने बताउँदै आएको छ ।