काठमाडौं– नेत्रबिक्रम चन्द (विप्लव) नेतृत्वको नेपाल कम्युनिस्ट पार्टी (विप्लव समूह)ले सरकारी स्वामित्वको दूरसञ्चार सेवा प्रदायक कम्पनी नेपाल टेलिकमको टावरमा समेत आक्रमण गरेको छ ।

विप्लव समूहले अर्घाखाँचीको पाणेनी गाउँपालिका–५ उपल्लो अमजास्थित नेपाल टेलिकमको टावरमाथि आक्रमण गरेको हो ।

प्रहरीका अनुसार अमजास्थित एनटीसीको टावरका मेसिनमा आगजनी भएको छ ।

आगजनीबाट टावरमा रहेको पीपीएच र्‍याक र र्‍याकभित्र रहेको सामानहरु पूर्ण रुपमा क्षतिग्रस्त भएको प्रहरीले जनाएको छ ।

टावरको सुरक्षाका लागि खटाइएका सुरक्षा गार्ड थानेश्वर न्यौपाने आफ्नो घरमा रहेको बेला टावरमा आगो लगाइएको प्रहरीले जनाएको छ ।

प्रहरीले एनटीसीको टावरमा भएको आक्रमणबार सोधपुछ गर्न सुरक्षा गार्ड न्यौपानेलाई नियन्त्रणमा लिएको छ ।
प्रहरीका अनुसार विप्लव समूहले एनटीसी र एनसेलका गरी अहिलेसम्म २३ भन्दा बढी टावरमा आक्रमण गरेको छ ।

विप्लव समूहले आक्रमण गरेका टावरहरुको विवरण निम्नानुसार छ,