एजेन्सी- समाजिक सञ्जाल फेसबुकमा जोडिने मानिसहरुको संख्या दिनप्रति दिन बढ्दै गएको छ । आफ्ना बिचार, तस्बिर तथा भिडियोहरु आफ्नो फेसबुक प्रोफाइलमा पोस्ट गर्न तथा शेयर गर्ने काम हरेक मानिसले गरिरहेका हुन्छन् ।

फेसबुक प्रयोगकर्ताको संख्या बढ्दै जाँदा अर्को तर्फ घट्दै पनि गएको छ । त्यसरी घट्ने संख्यामा अधिकांश मृत्यु भएका प्रयोगकर्ताहरु नै हुन् । यसरी मृत्यु भएका प्रयोगकर्ताहरुको अकाउण्टको संख्या पनि बढिरहेको छ । तर मृत्यु भइसकेका प्रयोगकर्ताको फेसबुक अकाउण्टलाई फेसबुकले के गर्छ त ? तपाईंमा जिज्ञासा हुन सक्छ ।

फेसबुकले मृत्यु भएका प्रयोगकर्ताको अकाउण्टलाई ‘मेमोरियलाइज’ गर्दछ । यो फिचरले मृतकको अकाउण्ट डिलिट नभइ उनीहरुको याद/स्मृतिको रुपमा रहिरहने छ । यसैले फेसबुकले मृतक व्यक्तिको फोटो तथा पोस्टलाई सुरक्षित रुपमा राख्दछ ।

मेमोरियलाइज्ड अकाउण्टमा व्यक्तिको नामको अगाडि भने ‘रिमेम्बरिङ्ग’ जोडिने छ । यसको अर्थ उनको सम्झना भइरहेको छ भन्ने हुन्छ । यस्तै मृत व्यक्तिले आफ्नो टाइमलाइन अरुका लागि पोस्ट गर्न मिल्ने गरी पहिले नै राखेको भए मानिसहरुले त्यहाँ पोस्ट पनि गर्न सक्ने छन् । उसको जन्मदिनको अवसरमा अन्य व्यक्तिमा नोटिफिकेसन पनि जाने गर्दछ ।

मृत्यु भएका व्यक्तिले कुनै फेसबुक पेज बनाएको छ । र त्यसको एडमिन उ एक्लै छ भने मृत्युको जानकारी पाउनासाथ फेसबुकले उक्त पेज डिलिट गर्दिन्छ ।