दिपायल– सोमबार बिहान जीप दुर्घटना हुँदा ६ जना घाइते भएका छन् । जिल्लाको आदर्श गाउँपालिकाअन्तर्गत मौवादहबाट सायल गाउँपालिकातर्फ आउँदै गरेको से १ च ९१७ नम्बरको जीप गजेडा भन्ने ठाउँमा दुर्घटनामा परेको हो ।

जिल्ला प्रहरी कार्यालय डोटीका प्रहरी नायव उपरीक्षक लालबहादुर धामीका अनुसार दुर्घटनामा घाइते भएकामध्ये जीपका चालक कटक सिलालको अवस्था गम्भीर छ ।

दुर्घटनामा घाइते हुनेहरुमा सायल गाउपालिकाको वडा नम्बर १ कौराडीका २७ वर्षी राजु दमाइ, ५ वर्षीया बाटुली नेपाली, ३५ वर्षीया टीका नेपाली, आदर्श गाउँपालिका–७ सातलका १२ वर्षीय महेश नेपाली र २६ वर्षीय रमेश नेपाली छन् ।

प्रहरीले घुम्तीमा मोड्न नसक्दिा जीप दुर्घटना भएको जनाएको छ । जीप सडकबाट करिब ६० मिटर तल खसेको थियो ।