अफगानिस्तानमा हवाई आक्रमण–४ तालिबान लडाकु मारिए

१८ बैशाख २०७६, बुधबार

पढ्न लाग्ने समय : < 1 मिनेट

एजेन्सी– पश्चिम अफगानिस्तानको हेरात प्रान्तमा इस्लामिक लडाकु समूह तालिबानका लडाकु विरुद्धको हवाई आक्रमणमा ४ लडाकु मारिएका छन् ।

स्थानीय प्रहरीले जनाएअनुसार अफगान वायुसेनाले हेरात प्रान्तको चुश्ती शरिफ जिल्लामा हवाई आक्रमण गरेको हो ।

कारवाहीका क्रममा अरु ९ लडाकु पनि घाइते भएको बताइएको छ ।

कारवाहीमा तालिबानतर्फ ठूलो हताहती भएको हुनसक्ने भएपनि ४ लडाकुको मृत्यु र ९ लडाकु घाइते भएको मात्र पुष्टि गर्न सकिने प्रहरीले जनाएको छ ।

यद्यपि तालिबानले पछिल्लो कारवाहीबारे कुनै टिप्पणी सार्वजनिक गरेको छैन ।

प्रकाशित मिति : १८ बैशाख २०७६, बुधबार ४ : ४४ बजे

प्रतिक्रिया