हेटौंडा– प्रदेश नं ३ का मुख्यमन्त्री डोरमणि पौडेल, आन्तरिक मामिला तथा कानूनमन्त्री शालिकराम जम्कट्टेल, सामाजिक विकासमन्त्री युवराज दुलालसहितको टोली आइतबार साँझ आएको ठूलो हावाहुरीका कारण बारा र पर्सा जिल्लामा धनजनको क्षति प्रभावित क्षेत्रमा पुगेको छ ।
सोमबार साँझ टोली हावाहुरी प्रभावित क्षेत्रमा पुगेको हो । टोलीले प्रभावित क्षेत्र फेटा गाउँपालिकाको पुरनिया र कलैया अस्पतालमा पुगेर घाइतेलाई स्वास्थ्यलाभको कामना गरेको छ । मन्त्री दुलालका अनुसार मुख्यमन्त्रीसहितको टोलीले पीडित परिवारको क्षतिग्रस्त घर र अस्पतालमा समेत पुगेर उनीहरुको अवस्थाको जानकारी लिनाका साथै सहयोगका लागि सबैलाई आग्रह गरेको छ । प्रदेश नं ३ बाट कलैया अस्पतालमा स्वास्थ्यकर्मी टोली पनि पुगेको छ ।