काठमाडौं–आइतबार राति बारा र पर्सालाई प्रभावित पार्ने गरी आएको हावाहुरीमा परी बारामा ३१ जनाको मृत्यु भएको छ । पर्सामा एक जनाको मृत्यु भएको छ । योसँगै मृत्यु हुनेको संख्या ३२ पुगेको छ । उपचाररत घाइते धेरैको अवस्था गम्भीर छ ।

बारा क्षेत्र नम्बर १, ‘क’ का सांसद त्रिलोक प्रसादका अनुसार सबैभन्दा बढी क्षति बाराको फेटा गाउँपालिकामा परेको छ । फेटा गाउँपालिकाका १७ जनाले हावाहुरीमा परी ज्यान गुमाएको सांसद प्रसादले बताए पनि गृहमन्त्रलयले यकिन तथ्यांक सार्वजनिक गरेको छैन् ।

सांसद  प्रसादका अनुसार अस्पतालमा घाइतेको चाप हुँदा उपचारमा कठिनाई भइरहेको छ । उपचार गर्ने चिकित्सकको अभाव भएका कारण समस्या उत्पन्न भएको छ ।

त्यस्तै प्रभावित क्षेत्रका सर्वसाधारण भोकै परेको सांसद प्रसादले बताए । अहिले प्रभावित क्षेत्रमा चाउचाउ र विस्कुट बाडिँदै गरेको उनले बताए ।