मुम्बई – सलमान खानको फिल्म ‘दंबग’ मा समावेश आइटम गीत ‘मुन्नी बदनाम हुई’ लोकप्रिय छ । फिल्मको तेस्रो सिक्वेलमा समावेश ‘मुन्ना बदनाम हुवा’ गीत सार्वजनिक गरिएको छ ।
सलमान खानको प्रतीक्षित फिल्म ‘दबंग ३’ को ‘मुन्ना बदनाम हुवा’ शनिवार सार्वजनिक गरिएको हो । यसअघि फिल्मका ६ गीत रिलिज भइसकेका छन् ।
यसअघि ‘दबंग’ को गीत ‘मुन्नी बदनाम हुई’ मा सलमान खान र मलाइका अरोरा नाचेका थिए ।
‘मुन्ना बदनाम हुआ’ मा सलमान खानले वरीना हुसेनसँग रोमान्स गरेका छन् । भिडियोमा प्रभु देवा पनि देखिन्छन् ।
सलमानको यो फिल्म डिसेम्बरमा रिलिज हुँदैछ । फिल्मको अपोजिटमा सोनाक्षी सिन्हा र साई मान्जरेकर देखिनेछन् ।
प्रतिक्रिया