काठमाडौं- नक्कली भुटानी शरणार्थी प्रकरणमा मुख्य योजनाकार केशवप्रसाद दुलाल र सानु भण्डारीलाई जनही ४ वर्ष कैद र ४० हजार जरिवानाको सजाय तोकिएको छ ।

काठमाडौं जिल्ला अदालतले उक्त प्रकरणमा दोषी ठहर्‍याइएका मंगलबार १६ जनाविरुद्ध सजाय सुनाउँदै निर्धारणसमेत गरेको हो ।

जसमा मुख्य योजनाकार दुलाल र भण्डारीलाई सरकारी लिखत किर्ते कसुरमा २ वर्ष कैद र २० हजार जरिवाना, ठगीमा २ वर्ष कैद र २० हजार जरिवाना, संगठित अपराधमा तीन वर्ष कैद र ३० हजार जरिवाना, राज्यविरुद्धको कसुरमा १ वर्ष कैद र १५ हजार जरिवाना सुनाएको छ ।

सबै कसुरको एकीकृततर्फमा कुल ४ वर्ष ४० हजार कैद सुनाइएको छ । दुवैजना मुद्दाको सुरुवातदेखि नै पुर्पक्षका लागि थुनामा छन् ।