काठमाडौँ – मिटरब्याज पीडितका समस्या सुन्न र उनीहरूलाई भेट्न गृहमन्त्री सुधन गुरुङ मंगलबार बिहान सिमरा पुगेका छन् । गृहमन्त्री आफैं भेट्न आउन लागेको खबर पाएपछि न्यायको माग गर्दै हिँडेका मिटरब्याज पीडित निजगढमै रोकिएका छन् ।

गएराति निजगढस्थित उद्योग वाणिज्य संघको सभाहलमा विश्राम गरेर मंगलबार बिहानै पुनः पैदल मार्चमा निस्किन लागेका पीडितलाई स्थानीय प्रहरीले गृहमन्त्री भेट्न आउन लागेको जानकारी गराएका थिए । प्रहरीको जानकारीपछि उनीहरूले आफ्नो यात्रा केही समयका लागि रोकेर निजगढमै गृहमन्त्रीलाई पर्खिरहेका छन् ।

मिटरब्याज र ठगीविरुद्ध न्यायको माग गर्दै असार २५ गते जनकपुरधामबाट निस्किएको पीडितको ‘मार्च’ सोमबार साँझ बाराको निजगढ आइपुगेको हो ।