काठमाडौं– प्रमुख प्रतिपक्षी नेपाली कांग्रेसका सभापति गगन थापाले सञ्चारमाध्यम, व्यावसायिक प्रतिष्ठान र आफ्नो समेत घरमा सरकारकै योजनामा गाडी तेर्स्याइएको बताएका छन् ।

उनले रातोपुलस्थित आफ्नो पुरानो घर जाने बाटोमा गाडी राखेर आवतजावत अवरुद्ध गरिएको भन्दै त्यसमा पनि सरकारको संलग्नता रहेको आशंका व्यक्त गरेका छन्।

थापाले सोमबार बिहान करिब ७ बजे दुई जना व्यक्ति आएर घरको मुखमै गाडी पार्क गरेका बताएका छन्। 

स्थानीय बासिन्दाले दिएको जानकारी उद्धृत गर्दै उनले गाडी राख्ने व्यक्तिहरू त्यसपछि प्रशासनको गाडी चढेर गएको देखेको बताएका छन्।

उनले स्थानीयले दिउँसै उक्त घटनाबारे जानकारी गराएको उल्लेख गर्दै यसमा सबैभन्दा अचम्मलाग्दो पक्ष सरकार स्वयं संलग्न भएको जस्तो देखिएको आरोप लगाए।