मुम्बई – अक्षय कुमार यतिबेला बक्स अफिसमा छाइरहेका छन् । उनले यसै वर्ष ३ हिट फिल्म दिए । उनको यस वर्षको चौथो फिल्मको पनि चर्चा हुन थालेको छ ।

अब खबर आएको छ कि, उनले एक तेलुगु हिट फिल्मको रिमेक बनाउँदैछन् । जुन फिल्मलाई अक्षय आफैले निर्माण गर्नेछन् ।

भारतीय मिडियाले स्रोतको हवाला दिँदै फिल्ममा तेलुगु अभिनेत्री अनुष्का सेट्टीको पनि भूमिका रहने बताएका छन् । फिल्मको लिड रोलका लागि भूमि पेडनेकर र आर माधवन फाइनल भइसकेको जनाइएको छ ।

तेलुगु भर्सन निर्देशन गरेका अशोकले नै यो फिल्मको पनि निर्देशन गर्नेछन् । खबरका अनुसार फिल्ममा अक्षय कुमारले केमियो मात्र गर्नेछन् ।

भूमि र अक्षय कुमारले यसअघि ट्वाइलेट एक प्रेमकथा मा अभिनय गरेका थिए । अनुष्का सेट्टी फिल्म बाहुबलीमार्फत चर्चामा रहेकी थिइन् । उनी तेलुगु फिल्म उद्योगकी चर्चित अभिनेत्री हुन् ।