मुम्बई – बलिउड अभिनेता शाहरुख खानको ५४ औँ जन्मदिनमा दुबईको बुर्ज खलिफामा नाम देखाइएको थियो । जन्मदिनको उक्त उत्सवलाई शाहरुख खानले धन्यवाद दिएका थिए ।

शाहरुखले ट्वीटरमा लेखेका थिए, ‘मलाई यति चम्किलो बनाइदिएकोमा धन्यवाद मोहम्मद अलबार र बुर्ज खलिफा ।’

हालै सामाजिक सञ्जालमा एक पोस्ट भाइरल भएको छ । जुन पोस्टमा दाबी गरिएको छ कि, शाहरुख खानले बुर्ज खलिफामा आफ्नो नाम देखाउन २ करोड रकम दिएका थिए ।

एक टिभी च्यानलको हेडलाइनलाई सामाजिक सञ्जालमा शेयर गरिएको छ । स्किृनशटमा लेखिएको छ, दुई करोडमा शाहरुख खानले बुर्ज खलिफामा आफ्नो नाम लेखाएका थिए । जब पैसा तिर्ने कुरा भयो त उनले फोन नै उठाएका छैनन् ।

सामाजिक सञ्जालमा भाइरल भइरहेको उक्त पोस्ट गलत भएको जनाइएको छ । हेडलाइनमा अर्कै लेखिएको र उक्त हेडलाइनलाई इडिट गरेर फरक बनाइएको हो ।

अफिसियल रुपमा पनि शाहरुख खानले बुर्ज खलिफामा देखाउने बारे पैसाको कुरा नभएको बताइएको छ ।

बुर्ज खलिफा २७,०० फुट अग्लो संसारकै सबैभन्दा अग्लो भवन हो । यसको भ्रमण गर्न विश्वभरबाट पर्यटक आउने गर्छन् ।