काठमाडौं– शुक्लफाँटा राष्ट्रिय निकुञ्जका कारण  विस्थापित परिवारको समस्या सम्बोधन गरिने भएको छ । 

कृषि, वन तथा पर्यावरणमन्त्री गीता चौधरीले विस्थापित परिवारको समस्या सम्बोधन गर्न गठित समितिको सिफारिसमा समस्या सम्बोधन गरिने जानकारी दिइन् । 

मन्त्रीले उक्त समस्या समाधान गर्न चार सदस्य समिति गठन गरेकी हुन् । कार्यदलले एक महिनाभित्र विस्थापित परिवारहरूको उचित व्यवस्थापनको  मार्गचित्र तयार पारी समाधानका उपाय एवम् तरिका मन्त्री समक्ष सिफारिस गर्नु पर्नेछ । 

वन्यजन्तु सिकार आरक्षदेखि राष्ट्रिय निकुञ्जसँग स्तरोन्नतिका गतिविधिमा निकुञ्ज क्षेत्रभित्र रहेको बस्ती स्थानन्तरण गर्दा विभिन्न समस्या समाधान हुन नसकेकाले निकुञ्जबाट विस्थापित परिवारहरूको व्यवस्थापनका लागि समिति गठन गरिएको मन्त्री चौधरीले जानकारी दिइन् ।