काठमाडौं– कालीमाटी तरकारी बजारको काउलीमा अत्यधिक मात्रामा विषादी भेटिएको छ ।

दक्षिणकालीबाट बिक्रीका लागि कालीमाटी ल्याइएको काउलीमा ९०.३००४ २३ प्रतिशत अर्गानोफस्फेट नामक विषादी भेटिएको कालीमाटी तरकारी तथा फलफूल बजार विकास समितिले जनाएको छ ।

बिहीबार केन्द्रीय कृषि प्रयोगशालाले कालीमाटी तरकारी बजारका १२ पसलको १२ वटा तरकारी परीक्षण गरेको थियो । उक्त परीक्षणमा पसल नम्बर ४४५६ लक्ष्मी सा तेलीले बिक्रीका लागि राखेको काउलीमा अत्यधिक मात्रामा विषादी भेटिएकाले विसर्जन गर्न भनिएको छ ।

बजारमा कार्वामेट र अर्गानोफस्फेट समूह कीटनाशक विषादीको मात्र परीक्षण गरिँदै आएको छ । यस्तो प्रकारको विषादी ३५ प्रतिशतभन्दा कम उपभोग योग्य, ३५ देखि ४५ प्रतिशतसम्म केही दिन राखेर खान मिल्ने र ४५ प्रतिशतभन्दा बढी खान अयोग्य मानिन्छ ।