भुवन केसी स्टारर फिल्म ‘मिस्टर नेपाली’ मा समावेश गीत ‘डंका पिट्यो’ सार्वजनिक गरिएको छ । रिलिजको एक दिनअघि फिल्मको गीत सार्वजनिक गरिएको हो ।

गीतमा डेभिड शंकरको स्वर, देव भुषालको शब्द र दिपक शर्माको संगीत सुन्न सकिन्छ । यस्तै गीतको भिडियोमा कविराज गहतराजको कोरियोग्राफी, निरज कँडेलको छायांकन, जीवन थापाको सम्पादन रहेको छ ।

देव भुसालको लेखन तथा निर्देशन रहेको यो फिल्ममा साहिल श्रेष्ठ, कुसुम राउत, नन्दु श्रीवास्तव, विष्णु सापकोटा, रवि डंगोल लगायतका कलाकारको अभिनय छ ।

प्रेमराज दाहालको लगानी रहेको फिल्ममा भूवन केसी, सरोज खनाल, कमलमणी नेपाल, रीमा विश्वकर्मा लगायतका कलाकारको समेत अभिनय छ । भुवनले फिल्ममा दोहोरो चरित्र निभाएका छन् ।

नेपाल छाडेर विदेश गए पनि नेपालीपन रहन्छ भन्ने कथा देखाउन खोजिएको यो फिल्म अमेरिकाका नेपालीमाझ विशेष शो समेत गरिएको थियो ।