चितवन- राष्ट्रिय स्वतन्त्र पार्टी (रास्वपा)को महाधिवेशन नसकिँदै वरिष्ठ नेता वालेन्द्र शाह काठमाडौं फर्किएका छन्।

महाधिवेशनमा सहभागी हुन तीन दिनअघि पुगेका प्रधानमन्त्री शाह बुधबार काठमाडौँ फिर्ता भएका छन् । 

प्रमुख जिल्ला अधिकारी गणेश अर्यालका अनुसार उनी बिहान ११ बजेर ३१ मिनेटको उडानद्वारा काठमाडौँ प्रस्थान गरेका हुन् । 

प्रधानमन्त्री शाहले पार्टीको महाधिवेशनको उद्घाटनसत्रमा आइतबार सम्बोधन गरेको थियो भने मङ्गलबारको बन्दसत्रमा सहभागी भएका थिए । 

महाधिवेशनबाट शाह वरिष्ठ नेता निर्वाचित भएका छन् ।  यहाँ रहँदा उनले सौराहास्थित हात्ती प्रजनन केन्द्र र चितवन राष्ट्रिय निकुञ्जको भ्रमण गरेका थिए ।

रास्वपाको महाधिवेशन अझै पनि जारी छ। केन्द्रीय सदस्यसहितका पदका लागि अझै पनि मतदानको टुंगो भइसकेको छैन।