काठमाडौं– राष्ट्रिय स्वतन्त्र पार्टीको प्रथम महाधिवेशनमा सोमबार हुने भनिएको बन्दसत्र रोकिएको छ। महाधिवेशन रोकेर पार्टी नेताहरू छलफलमा जुटेका छन्। महाधिवेशन व्यवस्थापन समिति लगायतका नेतासहित पार्टी सभापति रवि लामिछाने अहिले छलफल गरिरहेका छन्। 

कति महाधिवेशन प्रतिनिधिलाई कार्ड बाँड्ने र भोलि बिहानैबाट बन्दसत्र सुरु गर्ने गरी छलफल गरिरहेको बताइन्छ । राष्ट्रिय स्वतन्त्र पार्टीको प्रथम महाधिवेशनमा प्रतिनिधि विवाद भएपछि आज हुने भनेको बन्दसत्रको कार्यक्रम स्थगित भएको छ। 

बन्दसत्रको कार्यक्रम स्थगित भएपछि निर्धारित समयमा राष्ट्रिय स्वतन्त्र पार्टीको प्रथम महाधिवेशन सम्पन्न हुने देखिँदैन। महाधिवेशन एक दिन अर्थात् १० गतेसम्म लम्बिने सम्भावना उच्च छ।