काठमाडौं– चालु आर्थिक वर्षको ११ महिनाको वैदेशिक व्यापारमा निर्याततर्फ अलैँची दोस्रो स्थानमा रहेको छ । पहिलो स्थानमा रहेको सोयाबिन तेल र सोको कच्चापदार्थ आयात भएर निर्यात भएकोमा नेपालमा नै उत्पादन भएर निर्यात हुनेमा दोस्रो स्थानमा अलैँची देखिएको हो ।

भन्सार विभागको तथ्यांकअनुसार समीक्षा अवधिमा नेपालबाट ठूलो अलैँची १२ अर्ब १ करोड १४ लाख ८६ हजार रुपैयाँको निर्यात भयो । जुन पछिल्ला वर्षहरूकै सबैभन्दा धेरै मूल्य बराबरको हो । यद्यपि परिमाणका हिसाबले भने आर्थिक वर्ष ०७९-८० मा सबैभन्दा धेरै निर्यात भएको थियो ।

विभागको तथ्यांकलाई हेर्दा नेपाली अलैँचीले वैदेशिक बजारमा राम्रो मूल्य पाउँदै गएको देखिएको छ । आर्थिक वर्ष ०७८-७९ मा नेपालबाट ४ अर्ब ८१ करोड, ०७९-८० मा ८ अर्ब २७ करोड, ०८०-८१ मा ७ अर्ब ९४ करोड र ०८१-८२ मा नेपालबाट ७ अर्ब ६८ करोड रुपैयाँ बढीको अलैँची निर्यात भएको थियो । 

पाँच वर्षमा अलैँची निर्यातको अवस्था