काठमाडौं– राष्ट्रिय स्वतन्त्र पार्टीका प्रवक्ता मनिष झाले पार्टीको पहिलो महाधिवेशनले एकताको सन्देश दिने बताएका छन् । 

चितवनबाट उनले यो महाधिवेशनले एकताको सन्देश दिने उल्लेख गरेका हुन् । 

‘हिजो पार्टी सभापति रवि लामिछाने र वरिष्ठ नेता बालेन्द्र शाहले नै भनिसक्नुभएको छ। पार्टीको पहिलो महाधिवेशनले एकताको सन्देश दिन्छ । हामीले विधि नीति सबै कुरामा स्पष्टता ल्याउँछौँ ।’ झाले भने, ‘गुट उपगुट यो या त्यो भन्ने कुरा केही आउँदैन । योग्यता पुगेका व्यक्तिले स्वतन्त्र रुपमा निर्वाचन लड्न पाउनुहुन्छ । मिलेका पदमा सहमति गर्छौँ नमिलेकामा प्रक्रिया छँदैछ ।’

झाले स्वाभाविक रूपमा आफू पदाधिकारीको दाबेदार रहेको उल्लेख गरेका छन्। पार्टी प्रवक्ता रहेका झा पार्टी स्थापनाकालदेखि नै राष्ट्रिय स्वतन्त्र पार्टीमा जोडिएकाले आफू पदाधिकारीको दाबी गर्नु स्वाभाविक रहेको बताए ।