काठमाडौं– नेपाली कांग्रेसका सभापति गगन थापाले इतिहासमा जनमत प्राप्त गरेका अन्य पार्टी दुर्घटनामा परेको र सो अवस्था राष्ट्रिय स्वतन्त्र पार्टीलाई नआओस भन्ने कामना गरेका छन् ।

आइतबार रास्वपाको महाधिवेशनमा शुभकामना दिँदै सभापति थापाले सो बताएका हुन् । ‘विगतमा ३/४ पटक यस्तै खालको जनमत नेपालका राजनीतिक दलले प्राप्त गरे तर, हरेक पटक त्यो जनमत दुर्घटनामा पर्‍यो’, उनले भने, ‘जुन राजनीतिक दलले जनमत प्राप्त गर्‍यो, त्यो राजनीतिक दलको नेताहरूको अहंकारको बीचमा टकराव भयो, अर्को जनमत प्राप्त गरिसकेपछि यो शक्तिको सीमा हुन्छ भनेर बुझिएन, जसको कारण अप्रजान्त्रिक व्यहार गर्यौँ दुर्घनामा पर्‍यो, म कामना गर्छु राष्ट्रिय स्वतन्त्र पार्टीले यी दुवै अवस्थाको सामना गर्न नपरोस ।’

थापाले रास्वपाको खुट्टा काटेर भन्दा पनि जनताको मन मस्तिस्क जितेर आफूहरू रास्वपाभन्दा अग्लो हुन चाहेको बताए ।