काठमाडौं – फिफा विश्वकप–२०२६ अन्तर्गत समूह ‘ए’ को खेलमा चेक गणतन्त्रले दक्षिण अफ्रिकाविरुद्ध सुरुवाती अग्रता बनाएको छ।
खेलको छैटौं मिनेटमै चेक गणतन्त्रका मिचाल सादिलेकले गोल गर्दै टोलीलाई १–० को अग्रता दिलाएका हुन्। सादिलेकले अलेक्जेन्डर सोइकाको पासलाई सदुपयोग गर्दै गोल गरेका थिए।
यसअघि दुवै टोलीले विश्वकपको पहिलो खेलमा हार बेहोरेका थिए। दक्षिण अफ्रिका मेक्सिकोसँग २–० ले पराजित भएको थियो भने चेक गणतन्त्र दक्षिण कोरियासँग २–१ ले हारेको थियो।
समूह चरणमा टिकिरहन दुवै टोलीलाई जित आवश्यक रहेको अवस्थामा एटलान्टामा जारी खेलमा चेक गणतन्त्रले आक्रामक सुरुवात गरेको छ।
प्रतिक्रिया