काठमाडौं– श्रम संस्कृति पार्टीका सांसदहरूले वेल घेराउ गरेका छन् ।
बुधबार प्रतिनिधिसभा बैठकमा विनियोजन विधेयकमाथि उद्योग वाणिज्य तथा आपूर्तिमन्त्री गौरी कुमारीले दिएको जवाफ चित्तबुझ्दो नभएको र फेरी प्रश्न गर्न पाउनुपर्ने भन्दै वेल घेराउ गरेका हुन् ।
मन्त्री कुमारीले जवाफ दिएपछि श्रम संस्कृतिका अध्यक्ष हर्क साम्पाङले प्रतिप्रश्न गरेका थिए ।
प्रतिप्रश्नको जवाफ चित्तबुझ्दो नभएको भन्दै फेरी प्रश्न गर्न पाउनुपर्ने भन्दै उनले उठेर विरोध जनाएका थिए ।
सभामुख डोल प्रसाद अर्यालले प्रतिप्रश्नमाथि पुन प्रतिप्रश्न गर्न नमिल्ने बताए पनि साम्पाङले भने प्रश्न गर्न पाउनुपर्ने अडान कायमै राखेका थिए ।
साम्पाङले विरोध जारी राख्दा सभामुखले प्रक्रियालाई अघि बढाएपछि श्रम संस्कृति पार्टीका सांसदहरूले वेल घेराउ गरेका हुन् ।
वेल घेराउ गर्दा सभामुख अर्यालले संसद्को विधि, नियमावली नमिच्न चेतावनी दिएका थिए । तर उनीहरुले वेल घेराउलाई जारी राखेका छन् ।
प्रतिक्रिया