मस्को– युक्रेनी ड्रोनले मंगलबार मस्कोस्थिततेल प्रशोधन केन्द्रमा प्रहार गर्दा आगलागी हुनुका साथै भौतिक क्षति पुर्‍याएको रूसी अधिकारीहरूले जनाएका छन् । यसैगरी युक्रेनले यो आक्रमण रूसकै आक्रमणको प्रति– आक्रमण भएको पुष्टि गरेको छ । 

यसअघि मस्कोले देश भरि गरेको ६०० वटा भन्दा बढी ड्रोन तथा ७० मिसाइल प्रहारले , कम्तिमा ११ जनाको ज्यान गएको र किएभमा युनेस्कोको सूचीमा रहेको अर्थोडक्स मठको क्षेत्रलाई क्षति पुर्याएको युक्रेनले बताएको एक दिन पछि यो आक्रमण भएको हो ।

पछिल्लो २४ घन्टामा मस्कोमा ड्रोनको आक्रमण जारी छ भने एउटा ड्रोन आक्रमणले मस्कोको तेल प्रशोधनको केन्द्रलाई क्षति पुगेको मस्कोका मेयर सेर्गेई सोब्यानिनले बताए ।

सोब्यानिनका अनुसार मङ्गलबार मस्कोतर्फ प्रक्षेपण गरिएको ६० वटा ड्रोनलाई रोकियो भने यो आक्रमणलाई राष्ट्रिय समाचार एजेन्सी तासले यस वर्षको रूसी राजधानीमा गरिएको सबै भन्दा ठूलो बम विस्फोटको रूपमा वर्णन गरेको छ ।

युक्रेनी राष्ट्रपति भोलोदिमिर जेलेन्स्कीले उक्त आक्रमणक किएभले गरेको बताएका छन् । 

यस पटक, मस्को क्षेत्रले युक्रेनको व्यापक आक्रमण क्षमताको दायरा बुझने अवसर पाएको जनाइएको छ । सामाजिक सञ्जालमा सार्वजनिक गरिएको एउटा भिडियोमा  एउटा ड्रोन अपार्टमेन्टका ब्लकहरूमाथि उडिरहेको र चिमेनिया रोजा वाई ब्लान्का नजिकै विस्फोट हुनु अघि औद्योगिक क्षेत्रमा ठोक्किएको देखाइएको थियो ।

यो आक्रमण रूसी आक्रमणहरूको न्यायोचित र आत्म रक्षार्थ प्रतिक्रिया भएको उल्लेख गर्दै जेलेन्स्कीले युद्धको तत्काल अन्त्य हुनु पर्ने बताउनु भएको छ ।

रूसले सन् २०२२ मा युक्रेनमा आक्रमण सुरु गरे देखि युक्रेनमा लगभग दैनिक जसो ड्रोन  तथा मिसाइलको आक्रमण गर्दै आएको छ ।

पछिल्लो समयमा मस्कोको युद्ध प्रयासलाई वित्त पोषण गर्ने जीवाश्म इन्धनको  राजस्वलाई कमजोर पार्ने प्रयास स्वरूप यसको तेल प्रशोधन सुविधाहरू र निर्यात केन्द्रहरूमा आक्रमण गर्दै किएभले रूस विरुद्ध आफ्नो आक्रमणलाई तीव्र बनाएको जनाइएको छ ।