काठमाडौं– नेपाल स्टक एक्स्चेञ्जले प्रभु बैंकको शेयर मूल्य समायोजन भएको छ । बैंकको समायोजित शेयरमूल्य प्रति कित्ता २३० रुपैयाँ १७ पैसा कायम भएको नेप्सेले जनाएको छ ।

बैंकले गत आर्थिक वर्षको मुनाफाबाट प्रस्ताव गरेको १६ प्रतिशत बोनस शेयरपछिको शेयर मूल्य समायोजन गरिएको हो । बैंकले मंसिर ६ गतेका लागि साधारणसभा बोलाइसकेको छ ।

जुन बैठकले बैकको लाभांश पारित गर्नेछ । मंसिर ६ गते अठारौँ वार्षिक साधारण सभा बोलाएको बैकले कार्तिक २६ गतेदेखि शेयरधनी पुस्तिका बन्द गरेको छ ।

साधारण सभाले बैंकको हाल कायम चुक्ता पूँजीको १६ प्रतिशतले हुने रकम १ अर्ब ४२ करोड २८ लाख रूपैयाँ बराबरको बोनस शेयर र कर प्रयोजनार्थ ०.८४२१ प्रतिशतले हुने रकम ७ करोड ४८ लाख रूपैयाँ बराबरको नगद लाभांश वितरण गर्ने प्रस्ताव अनुमोदन गर्ने बैकले जनाएको छ ।

८ अर्ब ८९ करोड २६ लाख चुक्तापूँजी रहेको बैकको बोनस शेयर वितरणपछि १० अर्ब ३१ करोड ५५ लाख पुग्ने देखिएको छ ।