काठमाडौं – नेपाली लोक आधुनिक शैलीमा तयार पारिएको प्रेम-वियोग भाव मिश्रित गीत ‘दिल परानी’ भिडियोसहित सार्वजनिक भएको छ । 

सुमधुर स्वरका धनी लोकप्रिय गायक शिव परियार र अनु चौधरीको स्वरमा रहेको यस गीतमा चर्चित मोडल गरिमा शर्मा र नवप्रवेशी मोडल उमेश सोनामको अभिनय देख्न सकिन्छ ।

यस गीतमा राज क्षितिजको शब्द, मनोज मालेको सङ्गीत, विशाल निरौलाको सङ्गीत संयोजन र साजन शाहको मिक्सिङ रहेको छ ।

निकेश खड्काको निर्देशनमा तयार पारिएको म्युजिक भिडियोको छायाङ्कन दिनेश पराजुलीले गरेका हुन् भने सम्पादन विकास दाहालले गरेका हुन् ।  भिडियोको रङ सुधार (कलर ग्रेडिङ) राजेन्द्र मोक्तानले गरेका छन् र शृङ्गार समरा जोशीको रहेको छ ।

उमेश सोनामको निर्माणमा तयार पारिएको यो म्युजिक भिडियो नगरकोटमा छायाङ्कन गरिएको हो । गीत शुक्रवार शिव परियार अफिसियल युट्युब च्यानलमार्फत सार्वजनिक गरिएको छ ।