काठमाडौं– औषधि व्यवस्था विभागले प्रेगाबालिन डाइसाइक्लोमिन र प्रोमेथाजिन समूहका औषधिको दुरुपयोग नियन्त्रण गर्न आयात, बजार व्यवस्थापन तथा उपलब्धतासम्बन्धी थप व्यवस्था लागू गरेको छ।

विभागले बुधबार एक सूचना जारी गर्दै यी औषधिहरूको उत्पादन, आयात तथा बिक्री वितरणमा निगरानी बढाइएको जनाएको हो । विभागका अनुसार पछिल्लो समय उक्त औषधिको दुरुपयोग बढ्दै गएको गुनासो र सूचनाका आधारमा नयाँ व्यवस्था कार्यान्वयनमा ल्याइएको हो ।

सूचनाअनुसार प्रेगाबालिन औषधिको आयात तथा खपत परिमाण बढाउन चाहने आयातकर्ताले खुद्रा औषधि पसल तहसम्मको बजार आवश्यकताको विवरण विभागमा पेश गर्नुपर्नेछ । साथै आयातकर्ताले प्रत्येक ६ महिनामा खुद्रा तहसम्मको खपत विवरण विभागमा अनिवार्य रूपमा बुझाउनुपर्ने व्यवस्था गरिएको छ ।

यस्तै, खुद्रा औषधि पसलहरूले प्रेगाबालिन बिक्री गर्दा बिरामीको विवरण तथा औषधि सिफारिस गर्ने चिकित्सकको विवरण नाम र नेपाल मेडिकल काउन्सिल नम्बर अभिलेख राख्नुपर्नेछ । सो विवरण सफ्ट वा हार्ड कपी दुवै माध्यमबाट सुरक्षित राख्न सकिने विभागले जनाएको छ ।

डाइसाइक्लोमिन र प्रोमेथाजिन औषधिका उत्पादक तथा आयातकर्तालाई पनि वितरण तहसम्मको अभिलेख व्यवस्थित गर्न निर्देशन दिइएको  छ। विभागले डिस्ट्रिब्युटरहरूले खुद्रा तहसम्मको बिक्री–वितरणको रेकर्ड राख्नुपर्ने व्यवस्था गरेको जनाएको छ ।

विभागका अनुसार नयाँ व्यवस्थाले औषधिको अनधिकृत प्रयोग तथा दुरुपयोग नियन्त्रण गर्न, साथै बजारमा आवश्यक मात्रामा उपलब्धता सुनिश्चित गर्न सहयोग पुग्ने अपेक्षा गरिएको छ । प्रेगाबालिन, डाइसाइक्लोमिन र प्रोमेथाजिन यो औषधी कुन रोगको हो ।